Semeıdiń ákimi jylýǵa qaryzy bar turǵyndarmen jańasha kúres júrgize bastady. Ermak Sálimov jumystan qoly qalt etkende boryshkerlerge ózi habarlasyp, tólemaqyny tezirek qaıtarýdy ótinedi.

Bul týraly Qamshy.kz  24 arnaǵa silteme jasap habarlaıdy.

Demalys kúnderi ákimniń ózi qońyraý shalǵan 15 adamnyń arasynda qaryzy 200 myń teńgege deıin jetkender de bar. Qazir qala boıynsha jylýǵa qaryzdyń jalpy kólemi 600 mıllıon teńgege jeteqabyl.

Ákimniń oıynsha, endi bul kórsetkish edáýir tómendeýi tıis. Óıtkeni kóptegen turǵynqala basshysyna 9 mamyrǵa deıin bereshegin tóleımiz dep ýáde bergen.

"Keıbireýleri shynymen ákim be qońyraý shalyp turǵan dep, tańdana suraıdy. Keıbirine báribir. Al kelesi bireýleri qaryz ekenderin moıyndaı kelip, tólemeıtinderin aıtady. Qaryzdardy tezirek jınaýymyz kerek. Ýaqyt tyǵyz, sondyqtan men de bul jumysqa belsendi kirisip kettim, adamdar osyny túsinse, shirkin!", - deıdi qala ákimi Ermak Sálimov.