Almatydaǵy Jetisý aýdandyq ishki ister bóliminiń ǵımaratynda 34 jastaǵy azamat óz-ózine qol jumsap, qaıtys bolǵan, - dep habarlaıdy Qamshy.kz 31 arnaǵa silteme jasap.

Alaıda, marqum Baqyt Mustafaevtyń jaqyndary, polısıanyń bul jaýabyna kúmánmen qaraıdy. Sebebi, "marqumnyń óz-ózin býyndyryp óltirý úshin, ózimen birge polısıa bólimshesine artyq shalbar alyp kirgenine senbeımiz. Onyń ústine, qaıtys bolǵan azamattyń denesinde kógergen izder bar" deıdi.

Almaty oblysyna qarasty, Raıymbek aýdany, Saryjaz aýylynda turatyn Mustafaevtar otbasynyń shańyraǵynan joqtaýdyń úni estiledi. Marqumnyń jaqyndarynyń aıtýynsha, jalaqy alǵan kúni úıine oralmaǵan azamattyń qaıtys bolǵany týraly habardy polısıa qyzmetkerleri jetkizgen. Biraq Baqyttyń týystary, baýyrynyń polısıa ǵımaratynda óz-ózine qol jumsap, qaıtys bolǵanyna senbeıdi. 

Marqumnyń jaqyndarynyń aıtýynsha, Baqyt Mustafaev polısıa bólimshesine buzaqylyq babymen  sáýirdiń 18 kúni keshkisin túsken. Tańǵy saǵat bestiń kezinde denesi qalalyq máıithanaǵa jetkizilipti. Al, týystaryna habar kelesi kúni keshki 18.50-de  biraq jetkizilgen. Bul iske qatysty Almaty qalalyq ishki ister departamenti, qandaı da bir pikir berýden bas tartyp otyr. Óıtkeni, tergeý áli júrgizilip jatyr deıdi. Onyń ústine, dál osy oqıǵa bolǵan kúni aýdandyq İİB kezekshilikte bolǵan Almaly aýdynynyń prokýratýrasy da dál osy isti jiti zerttep jatqan kórinedi.