Almatyda birneshe nysanǵa nuqsan keltirgen órt tirkeldi, - dep habarlaıdy Qamshy.kz. Bul týraly jańa ǵana Almaty qalalyq TJD resmı ókili Sandýǵash Baımuhanbetova habarlady. Búgin Almatyda túnde «Korovabar» dámhanasyn órt shyqqan. Órttiń jalpy aýmaǵy 1100 sharshy metrdi quraǵan. 

Órt týraly habar dıspecher púltine 10 mamyrda 04.37-de túsken. Birinshi bólimshe jeti mınýt ótkende, 04.44-te jetken. "Korova bar" kafesinen órt shyǵyp, jeti qabatty úıdiń syrtqy beti men "Iýbıleınyı" dúkenine taralǵan. Órtti sóndirýge tartylǵan kúsh jaǵdaı barysynda kóbeıdi. Órtti sóndirýmen qatar úıdiń kelesi betinen adamdardy qaýip tónip turǵan kireberisterinen shyǵarý jumystary júrgizilgen. "Órtti sóndirý kezinde gaz balony jaryldy, bul órtsóndirýshilerdiń basyn qaterge baılaıtyn jaǵdaı. Abyroı bolǵanda, eshkim qaza tappady, eshkim zardap shekpedi", - dep habarlady Imanqulov.

Málim bolǵanyndaı, turǵyn úıge japsarlas salynǵan «Korovabar» kafesin órt shalǵan. Órttiń aýmaǵy shamamen 800 sharshy metrdi quraǵan. Soǵan baılanysty, qosymsha órt sóndirýshi bólimsheler shaqyryldy. Artynsha, turǵyn úılerdiń turǵyndary qaýipsiz aımaqqa shyǵaryla bastady. 

 «Barlyǵy 7 adam qutqarylyp, 120 adam evakýasıalandy. Olardyń ishinde úsh bala bar. Bir adam ýytty gazǵa ýlaný nyshanymen aýrýhanaǵa jatqyzyldy. Basqalaı zardap shekkender men qurban bolǵandar joq. Tilsiz jaýdy joıýǵa Órt sóndirý qyzmetiniń jeke quramynan 115 adam men 21 arnaıy tehnıka, sondaı-aq, jergilikti polısıa qyzmetkerleri, jedel medısınalyq járdem dárigerleri, komýnaldyq qyzmetterdiń qyzmetkerleri jumyldyryldy.  Órt tańǵy saǵat 05:52-de aýyzdyqtalyp, 06 saǵat 36 mınýtta tolyǵyn sóndirildi. Órttiń jalpy aýmaǵy - 1100 sharshy metrdi qurady», - dedi S. Baımuhanbetova.