Almaty qalasynyń Abaı kóshesinde ornalasqan ataqty «Dostyq» sport kesheni saýdaǵa shyǵaryldy. Keshenniń jalpy quny 3,7 mlrd teńge, - dep habarlaıdy Qamshy.kz BNews.kz saıtyna silteme jasap.

Ǵımarat 1983 jyly salynǵan. 7,3 myń sharshy m. aýmaqta 6 tenıs korty, 3 fýtbol alańy jáne kóptegen ákimshilik ǵımarat ornalasqan. Nysan sporttyq jáne ákimshilik ǵımarattarǵa qyzmet kórsetý úshin paıdalanylady.

2000 jylǵa deıin «Dostyq» QR Sport jáne týrızm jónindegi agenttigine tıesili bolǵan. Keıin aksıonerlik qoǵam retinde qaıta qurylǵan.

Aıta keteıik, Almatyda qalalyq sport nysandary men klýbtardy jekeshelendirý jumysy qarqyndy júrip jatyr. Úkimet bekitken jospar boıynsha Almaty qalasynyń ákimdigi 26 komýnaldy jeke menshikti saýdaǵa shyǵarmaq. Onyń 20 nysany 2016 jyly, al qalǵandary 2018 jylǵa deıin jekeniń qolyna ótedi.