AQSH-ta Áblázov pen Hrapýnovtyń jymqyrǵan 21 mıllıon dollaryna tyıym salyndy, - dep habarlaıdy, - dep habarlaıdy Qamshy.kz  Tengrinews.kz saıtyna silteme jasap. Bul týraly QR Ádilet mınıstrliginiń baspasóz qyzmeti aqparat taratqan.

BTA Bankiniń, Almaty ákimdiginiń jáne Qazaqstan Respýblıkasynyń Ádilet mınıstrliginiń birige atqarǵan jumysynyń nátıjesinde AQSH-ta Muhtar Áblázov pen Vıktor Hrapýnovtyń qylmystyq toby jymqyrǵan ondaǵan mıllıon dollaryna tyıym salyndy. 

2014 jyldyń mamyrynda Almaty qalasynyń bıligi Vıktor Hrapýnov pen onyń qosylma tulǵalaryna qarsy AQSH-taǵy Kalıfornıa shtatynyń sotyna aryz túsirgen bolatyn. Proses Qazaqstan Respýblıkasynyń Ádilet mınıstrliginiń zańgerlik qadaǵalaýymen ótti. Taraptardyń málimetterdi ashý prosedýralarynyń nátıjesinde Qazaqstannan shyǵarylyp, jymqyrylǵan aktıvter anyqtalǵan.   

"Qylmystyq qýdalaýdan jáne jymqyrǵan qarajatynyń tárkilenýinen saqtanǵan Vıktor Hrapýnov pen Muhtar Áblázov AQSH quzyretinin aktıvterdi shuǵyl shyǵarý maqsatynda múlikti sata bastaǵan. Naqtyraq aıtqanda, Nú-Iorktegi apartamentiniń qonaqúıdi qaıta qurylymdaý boıynsha jobalarǵa aıtarlyqtaı jeńildikter jasalǵan. Quıylǵan 40 mıllıon dollardyń ornyna Áblázov pen Hrapýnov óz úlesterin 21 mıllıon dollarǵa satýǵa tyrysqan. Alaıda olardyń arasynda jáne developerdiń arasynda sot daý shyqqan. Bul proseske BTA Bankiniń, Almaty ákimdiginiń jáne Qazaqstan Respýblıkasynyń Ádilet mınıstrligi aralasty. Nátıjesinde 21 mıllıon dollar kólemindegi qarajatty ótkizýge tyıym salyndy. Qazirgi ýaqytta AQSH-tyń federaldy sotynda jáne Nú-Iork shtatynyń sotynda toqtatylǵan qarajatty qaıtarý boıynsha jumystar júrgizilip jatyr", - dep habarlady mınıstrliktegiler.