Aqtóbede dárethanaǵa tastalǵan sábıdi qutqarý sáti túsirilgen vıdeo jarıalandy, - dep habarlaıdy Qamshy.kz.

Aqtóbe qalasyndaǵy móltek aýdandardyń birindegi jer úılerdiń dárethanasynan jańa týǵan sábı tabylǵan edi. Úı ıesi Moldaǵalı Orynbasarov qapshyqqa salynǵan sábıdi dárethana shuńqyrynan ózi alyp shyqqan. Oqıǵa ornyna jetken jedel járdem dárigerleri náresteniń kindigin kesken. Dárethanadan tabylǵan náreste qyz bolyp shyqty.

Oqıǵa ornyn sholǵan polısıa qyzmetkerleri belgisiz áıeldiń nárestesin sol dárethana janynda dúnıege ákelgenine kóz jetkizgen.

Dárigerler qazir oblystyq perınataldy aýrýhanaǵa jatqyzylǵan náresteniń densaýlyǵy bir qalypty dep otyr. Aýrýhana dárigerleri sábıdiń salmaǵy 3 keli 80 gram, boıy 52 santımetr ekenin habarlaǵan.

Esterińizge salsaq, osy jyldyń 3 qańtarynda Jambyl oblysynda da jańa týǵan náreste dárethanaǵa tastalǵan edi.