Germanıa 2020 jylǵa deıin bosqyndarǵa jalpy alǵanda 93, 6 mlrd eýroǵa jýyq qarjy jaratady. Bul týraly Spiegel aptalyǵy federaldyq jerlermen kelissózge daıyndalǵan qarjy mınıstrliginiń smetasyna silteme jasap habarlady.
Esepke bosqyndardy ornalastyrý, ıntegrasıa jáne til kýrstary, áleýmettik qamtamasyz etý, sondaı-aq Eýropaǵa aǵylǵan kóshi-qonnyń sebep-saldarymen kúres kirip otyr.
2016 jyly osy maqsatqa 16,1 mıllıard eýro jumsalsa, 2020 jylǵa qaraı sáıkesinshe jyl saıynǵy shyǵyn 20,4 mıllıard eýroǵa ósedi, dep jazady basylym qarjy mınıstrligine silteme jasap.
Aldyn ala boljam boıynsha, aǵymdaǵy jyly Germanıa 600 myńǵa jýyq bosqyndy qabyldaıdy, al kelesi jyly -400 myńǵa jýyq, odan keıingi jyldary - 300 myńnan.
