«Astana keshi kóńildi» otandyq kórermenge mýzykalyq oıyn-saýyqtyq dýmannyń sapaly úlgisin kórsetedi. Ár konsert, ár shyǵarylymda turaqty aıdarlar bolmaq. Olar: “Juldyzdy karaoke”, “Siz týraly áńgime”, “Ázil álemi”, “Bı alańy”. Baǵdarlamada bir emes, eki án qatarynan oryndaıtyn, baǵdarlamanyń qyzyǵyna aınalatyn basty ánshi bolady. Osy negizgi ártiske baılanysty arnaıy aıdarlar daıyndalady.
“Siz týraly áńgime”aıdarynda ártiske qatysty ótirik-shyny, ázili aralas qıly ósekti jınap, aq-qarasyn qonaqtan surap alamyz. Ol jyldam qoıylǵan suraqqa oılanbastan “ıá” nemese “joq” dep qana jaýap bere alady. Baǵdarlamaǵa ásem ánin arqalap kelgen taǵy bir ánshige bir ánniń mátini ázilmen ózgertilip beriledi. Án mátini sýretter, vıdeomen árlenip, LED-ekran arqyly kórsetiledi. Qonaq sol ándi dostarymen birge
“Juldyzdy karaoke”aıdarynda shyrqap berýi kerek. Ár shyǵarylym saıyn elimizdegi ázil-syqaq teatrlary, KVN toptarynyń Jaıdarman toptarynyń mınıatúralar toptamasy, skech-kórinisteriniń tusaýy kesiledi. Teatr, top ujymdary esh jerde jaryq kórmegen úzdik ázilderin “Astana keshi kóńildi” sahnasynda kórsetpek. «Astana keshi kóńildi» Ulystyń uly kúni, 22-naýryz, keshki saǵat 21.20-da Astana arnasynan kórsetiledi. Baǵdarlamanyń osy shyǵarylymyndaǵy qonaqtary: Aınur Tursynbaeva Nurǵalı Núsipjanov «Qustar» Búrkit pen Aısha «Mekenim Qazaqstan» Nurlan Abdýllın «Aýylym-ánim» «Dervıshı» toby «Toıname» Akapella Vid_MeN «Sulý qyz» Baǵdarlama júrgizýshileri tanymal KVN oıynshysy Nurdáýlet Shertim, kórermen kózaıymyna aınalǵan Aqkenje Álimjan jáne erekshe daýys ıesi ánshi Janar Duǵalova.
