Astanada QR Premer-Mınıstriniń birinshi orynbasary, Jer reformasy boıynsha respýblıkalyq komısıa tóraǵasy Baqytjan Saǵyntaevtyń jetekshiligimen komısıanyń ekinshi otyrysy júrip jatyr, dep habarlaıdy Qamshy.kz .
«Komısıanyń 75 múshesiniń 67-si óziniń otyrysqa qatysatynyn rastaǵan. Biraz adamdar suhbat berip jatyr, jolda kele jatqandary bar. 7 adam belgili sebeptermen qatysa almaı otyr. Onyń ekeýi óz erikterimen komısıa quramynan shyǵatyndaryn aıtqan. Qalǵandary densaýlyq jaǵdaıyna baılanysty ótken joly da qatysa almaǵan bolatyn. Sol sebepten ol kisilerge tezirek saýyǵyp, jumysymyzǵa qosylýyn kútemiz», - dedi B. Saǵyntaev.
Qazir komısıa músheleri jumys toptarynyń jetekshilerin tańdap jatyr. Tórt jumys tobyn qurý usynylǵan bolatyn: ekonomıkalyq, quqyqtyq, rásimderdiń zańdylyǵy men ashyqtyǵyn qamtamasyz etý toby, komısıa sheshimderin túsindirý men aqparattandyrý toby.
Jer reformasy jónindegi komısıanyń ekinshi otyrysyn Bnews.kz saıtynda onlaın-translásıa arqyly kórip, spıkerge óz saýalyńyzdy joldaı alasyzdar. Eger saýalyńyz moderasıadan ótse, spıker sizdiń suraǵyńyzǵa tikeleı efırde jaýap beredi.
