Senator Muratbaı Joldasbaevtyń pikirinshe, polısıa qyzmetkerleri zańdy buzǵan, - dep habarlaıdy Qamshy.kz
«Zań buzýshylyq bar. Barlyǵy qatelesip jatady. Biraq olar keshirim suraý kerek. Menińshe, polısıa bastyǵy keshirim surady. Mundaı jaǵdaılarda túsinispeýshilikter bolady. Men muny qatelik dep esepteımin. Jýrnalıserge tıispeý kerek. Olar jumystaryn emin-erkin isteýi kerek. Sizderdi jábirleýge bolmaıdy. Polısıa túsindirsin. Olaı bolmaıdy. Qoǵam olardyń kim ekenin, jýrnalıserdiń kim ekenin bilýi tıis», - dedi senator Muratbaı Joldasbaev.
Esterińizge sala keteıik, 21 mamyr kúni ondaǵan jýrnalıs ustalǵan edi. Elordalyq İİD ustaý faktisin joqqa shyǵardy. Alaıda BAQ ókilderi aýdandyq İİB birinde bolǵandary týraly jazdy. Bul jaǵdaıǵa qatysty Aqparat jáne komýnıkasıa mınıstri Dáýren Abaev óz pikirin bildirgen bolatyn.
«Áriptesterimizdiń ustalǵanyn jer reformasy jónindegi komısıa otyrysyna kele jatqan kezde bilip, ishki ister mınıstrimen baılanysqa shyqtym. Qazir tekseris júrgizilip jatyr, olardyń ne sebepti ustalǵany anyqtalyp jatyr. Sonymen qatar, ol jýrnalıserdiń jaqyn arada bostalýy múmkin ekenin aıtty», - dedi Abaev.
Keıin birshama ýaqyttan soń jýrnalıser bosatylyp, mınıstr jýrnalıserdi qoldaıtynyn jetkizip, quqyq qorǵaý organdarynyń ókilderimen jumys jasaıtynyn aıtty.
Keıinirek, jaǵdaıǵa qatysty Bas prokýratýra jaýap berdi.
«Prokýratýra árdaıym barlyǵyna qatysty sheshim qabyldaıdy. Ol meıli polısıa, meıli basqa bolsyn, kim zańdy buzady, soǵan qatysty sheshimder qabyldanady. Al búgingi ustalǵandar jaıly eshteńe aıta almaımyn, óıtkeni habarym joq. Men osynda jer komısıasynyń otyrysynda otyrmyn, alaıda artynan mindetti túrde habar beretin bolamyz», - dedi Bas prokýror Andreı Kravchenko.
