Astanadaǵy QR Ulttyq mýzeıinde Jer reformasy jónindegi respýblıkalyq komısıanyń kezekti úshinshi otyrysy óz jumysyn bastady, - dep habarlaıdy Qamshy.kz.

QR Premer-mınıstriniń orynbasary Baqytjan Saǵyntaevtyń jetekshiligimen ótip jatqan komısıanyń búgingi otyrysynda negizgi taqyryp aýyl sharýashylyǵy maqsatyndaǵy jerlerdi sheteldikterge jalǵa berý nemese bermeý máselesin talqylaý bolyp aıqyndalǵan bolatyn.  Aıta keterligi, buǵan deıin komısıa tórt baǵyttaǵy jumys toptaryn aıqyndap, olardyń jetekshileri saılanǵan. Ótken bir apta ishinde osy tórt top negizgi taqyryptardy talqylap, aýyl sharýashylyǵy mınıstrliginiń janyndaǵy shtabta birqatar jumystar atqarǵan. Osyǵan baılanysty B. Saǵyntaev jumys toptarynyń atqarǵan sharalary týraly jetekshilerden qysqasha baıandama tyńdaýdy usyndy.

Jer reformasy jónindegi komısıasynyń búgingi otyrysyna  62 azamat qatysyp otyr, 9-y belgili sebeptermen qatysa almaǵan. 

Aıta keteıik, bul joly jerdi sheteldikterge jalǵa beremiz be, bermeımiz be degen másele qarastyrylýda.