Qazaqstan Qashaǵan shıkizat óndirý jumystaryn bıyl bastaýǵa úmitti. Bul týraly elimizdegi munaı-gaz salasynyń mamany Sergeı Smırnov habarlady.

«2014 jylǵa munaı óndirý 83 mln. tonna kóleminde bolady degen jospar saqtalyp otyr. Úkimet Qashaǵan jumysynyń bastalýyna aıtarlyqtaı kedergiler bolyp jatqanyna qaramastan, ken ornynda shıkizat óndirý bıyldan qalmaıdy dep málimdedi», - dedi Sergeı Smırnov. Aldyn habarlanǵandaı, QR Ekonomıka jáne búdjettik josparlaý mınıstri Erbolat Dosaev munaı óndirý kóleminiń boljamy 2014 jyly 83 mıllıon tonna deńgeıinde saqtalyp turǵanyn jetkizgen bolatyn. 2013 jyly elimiz 81,731 mıllıon tonna munaı óndirgen bolatyn. Bul kórsetkish 2012 jylmen salystyrǵanda 3,2 paıyzǵa artyq. Qazaqstan munaı qory boıynsha álemde 9 orynda tur. 20 jyldyń ishinde munaı óndirisi 3 esege, al gaz shyǵarý 5 esege artqan. Al, Qashaǵan - Kaspıı teńiziniń qazaqstandyq bóliginde ornalasqan álemdegi iri munaı jáne gaz ken oryndarynyń biri. Ol Atyraý qalasynan ońtústik-batysqa qaraı 80 shaqyrym jerde ornalasqan. Sońǵy zertteý derekterine súıensek, ken ornynyń munaı qory 4,8 mıllıard bareldi quraıdy. Qashaǵanda sondaı-aq, tabıǵı gazdyń iri qory bar. (bir trıllıon tekshe metr gaz). Esterińizge sala keteıik, Qashaǵandaǵy munaı óndirý jumysyn bastaý merzimi ótken jyldyń sońynda birneshe ret aýystyrylǵan bolatyn. 2013 jyldyń qazan aıynda bastalǵan jumys araǵa eki apta salyp qaıta toqtap qalyp edi.