Ekolog Mels Eleýsizov Jer komısıasynyń otyrysynda osylaı dep málimdedi. Bul týraly Qamshy.kz habarlaıdy.

«Bizde jerden basqa da másele kóp. Biraq, shıelenis osy jer máelesine kelgende týyp otyr. Jer shetelge beriledi degende eshkim bizge Germanıa keledi dep oılamaıdy. Bar másele kórshimizde bolyp otyr. Qytaıda elshi bolǵan Murat Áýezovtiń Qytaıdyń qupıa málimet, josparlary týraly aıtqanyn bilemiz. Bizde Qytaı qaýpi joǵary. Aqtóbede munaı oryndaryn alǵan qytaılyq kompanıalardyń qalaı jergilikti halyqqa tizesin batyryp otyrǵanyn kórip júrmiz. (...) Aýylda jumys joq. Mal baǵaıyn dese jem, shóp qymbat. Aýyl halqy qalaǵa kelip jumys isteýde. Ultymyz kúzetshiler ulty bolyp bara jatyr. Jer týraly aıtqanda sol aýyldy kóterýdiń jaıyn qaraý kerek. Al, myna jer máselesin tek referendýmda sheshý kerek. Bıliktiń búginde halyq aldynda bedeli tómen, halyqtyń senimi kún sanap azaıyp barady. Sol bedeldi qalpyna keltirý úshin de referendým jarıalap, jer satý máselesin halyqtyń ózi sheshýine múmkindik berý qajet», - deıdi ekolog.