Er komısıasynyń otyrysynda komısıanyń quqyqtyq jumys tobynyń jetekshisi Muhtar Taıjan jıynda jer satý men jalǵa berýdi qoldap sóılegen keıbir azamattardyń qylyǵyna kúdikpen qaraıtynyn aıtty. Bul týraly Qamshy.kz habarlaıdy.
«Maǵan túnde bir sharýa telefon soqty. Ol oblys ákiminiń orynbasary Serikjan Beskempirovtiń iri sharýalarmen jınalys ótkizip jatqanyn aıtty. Búgingi jıynǵa qarasam osy jerde sóılegen 20 adam bir aýyzdan jerdi shetelge jalǵa bereıik, Qazaqstan azamattaryna sataıyq dep otyr. Men olar keshegi oblys ákiminiń orynbasary ótkizgen jıynnyń nátıjesi dep kepildik bbere almaımyn. Biraq, kelesi otyrysty komısıanyń jumys toptary bir-eki kún erterek kelip uıymdastyrsaq», - dedi Muhtar Taıjan.
