Búgin prezıdent Nursultan Nazarbaev Astana qalasynyń jasyl jelekti aımaǵyn aralady. Atalmysh shara aıasynda Elbasy «Jasyl aımaq» RMK «Aq qaıyń» orman tuqymbaǵynyń arboretsmy men aǵash tuqymynyń plantasıasy jumystarymen tanysty, - dep habarlaıdy Qamshy.kz.

"Jyl saıyn men osy ormandardy aralap, baqylap otyratynymdy ózderińizbileizder. Biz1998 jyly elordany dúnıejúzine jarıaladyq. Sodan beri, mine, 18 jyl ótti. 18 jyl degen kámeletke tolǵan, azamat bolǵan kez dep sanaýǵa bolady. Biraq, jasóspirim, jańadan ósip kele jatqan jaspen birdeı. Sol kezden bastap qalanyń tóńiregine orman egýdi tapyrdym. Jastar bilmeıdi, biz bilemiz, Almatydan jańa kóship kelgen kezde, qalany shań basyp ketetin. Tórt jaqtan soqqan jel adamdy qulatyp ketetin. Sondyqtan, aǵash otyrǵyzýdy bastadyq. «Astananyń tóńireginde jer qolaıly emes, tas, qum, orman shyqpaıdy» dep qarsy turǵandarkóp boldy. Degenmen, elorda bolǵannan keıin, tóńiregi orman bolmasa, baq bolmasa, onda elder qaıda shyǵyp demalady, qaıda barady? Minekeı, qazir ózderińiz kórip otyrǵandaı, Astananyń tóńireginde 73 myń gektar buryn bolmaǵan orman paıda boldy. Alpystan astam aǵash sorty ósedi. Onyń ishinde, alma da bar, jıdek te bar, bári bar. Tyńdy ıgergen kezde traktordyń daýysynan qashyp ketken jándikterdiń bári qaıtap keldi. Ormanda túlki de bar, elik te bar, qoıan da bar, qyrǵaýyl da bar. Sondyqtan, birinshiden, Astanadaǵy aýanyń tazalyǵy, ekinshiden, shań jibermeıin, úshinshiden, jeldi ustaıtyn qorǵan. Ormany bardyń qorǵany bar dep qazaq beker aıtpaǵan. Sondyqtan, bolashaqta Astana turǵyndary men jastarǵa jasap jatqan jaǵdaı dep aıtýǵa bolady", - dedi Elbasy.