QR Mádenıet jáne sport mınıstrligi qazaqstandyq aýyr atletterdiń taǵdyryn Halyqaralyq Olımpıada komıtetiniń (HOK) tártiptik otyrysy  ótkizilgennen keıin sheshedi, - dep habarlaıdy Qamshy.kz QazAqparatqa silteme jasap.

Bul týraly búgin QR Úkimetiniń otyrysynda QR Mádenıet jáne sport mınıstri Arystanbek Muhamedıuly habarlapty. 

Búgin Úkimet otyrysynda mádenıet jáne sport mınıstri Arystanbek Muhamedıuly dopıng daýyna baılanysty Halyqaralyq olımpıadalyq komıtettegi tártiptik komısıanyń sońǵy sheshimin kútip otyrǵanyn aıtty. 

«Bizde qazirgi kezde Olımpıadaǵa 102 joldama bar. Aldaǵy ýaqytta taǵy halyqaralyq jarystar bar, osy oraıda qosymsha on joldama alamyz dep boljap otyrmyz. Búginde Halyqaralyq olımpıadalyq komıtet joldap otyrǵan máselelerdi tyńǵylyqty baqylap otyrmyz. Árıne, qazirgi kezde 27 maýsymda Lozannada bastalatyn Halyqaralyq olımpıadalyq komıtette tártiptik komısıanyń sońǵy sheshimin kútýdemiz», - dedi mınıstr.

Sonymen qatar ol Rıo-de-Janeıro dodasy qarsańynda sportshylardy tekseretin elimizdiń zerthanalyq medısınalyq quramdas bóligi kúsheıtiletinin atap ótti.