Halyqaralyq aýyr atletıka federasıasy (IWF) 2008 jylǵy Pekın olımpıadasynyń synamalaryn qaıta teksergende dopıng izderi tabylǵan sportshylardyń tizimin jarıalady, - dep habarlaıdy Qamshy.kz SZH.kz-ke silteme jasap.

Tizimde Pekın olımpıadasynda 94 kılogramda chempıon atanǵan qazaqstandyq aýyr atlet Ilá Ilın de bar. IWF Ilınniń Pekındegi synamasynan stanozol tabylǵanyn habarlady.

Osyǵan deıin Halyqaralyq aýyr atletıka federasıasy London olımpıadasy kezinde alynǵan synamalardy qaıta teksergende on atlettiń dopıng qoldanǵany rastalǵanyn habarlaǵan. Ol tizimde de Ilá Ilınniń esimi bolǵan.

Halyqaralyq aýyr atletıka federasıasy (IWF) jarıalaǵan «dopıng synamalary oń nátıje bergen» sportshylar tiziminde 2012 jylǵy London olımpıadasynda altyn utyp alǵan qazaqstandyq aýyr atletter qazaqstandyq Svetlana Podobedova, Zúlfıa Chınshanlo jáne Maıa Maneza da engen.

Endi bul sportshylardy olımpıada medalinen aıyrý jáne Rıo olımpıadasyna jiberý máselesin Halyqaralyq olımpıada komıteti sheshedi.

Pekın olımpıadasynda Qazaqstan eki altyn, tórt kúmis, jeti qola medalmen jalpy esepte 29-oryn alǵan.