Syrdarıa aýdany Aıdarly aýylynyń turǵyny,  qolóner sheberi Roza Álbatyrovanyń kilemderi Qytaı, Gonkong, Anglıada da suranysqa ıe bolyp otyr, dep habarlaıdy aýdandyq ákimdiktiń baspasóz qyzmetinen.

 Umytyla bastaǵan dástúrdi jandandyrǵysy kelgen qolóner sheberi túkti kilem toqýda álemge tanymal. Respýblıkaǵa esimi áıgili Roza Álbatyrova 2012 jyldyń sáýirinde qoǵamdyq keńes quryp, halyqaralyq baıqaýlarǵa qatysa bastady. Byltyr Amerıkada "USAID" shaǵyn bıznesti damytý ortalyǵynan joba utyp aldy. Osy kúni onyń qolynan shyqqan dúnıeler Reseı, Qytaı, Anglıa, Gonkong, Qyrǵyzstan jáne taǵy basqa da memleketterde suranysqa ıe.

Kilem toqýmen qatar ol tósek-oryn, baý-basqur, qorjyn jasaýǵa usynystar da qabyldaıdy. Osy jumystardy jasaýǵa Roza Álbatyrova arnaıy seh ashqan. Onda ázirge aýyldyń tórt turǵyny jumyspen qamtylǵan. Aýylda óziniń onshaqty shákirti bar, delingen habarlamada.