Shyǵys Qazaqstanda «Donor, ózgege ómir syıla!» aksıasy bastaldy. Tańsáriden oblystyq qan ortalyǵyna aǵylǵan jurt óz erkimen qan tapsyryp, aksıaǵa belsendi turde qatysýda, - dep habarlaıdy Qamshy.kz.

Aımaqta bir aı boıy ótetin naýqanǵa qatysamyn deýshilerdiń de sany sheksiz. Shara barysynda áskerıler jáne birqatar memlekettik organ qyzmetkerleri ujymmen qan tapsyrady dep kútilýde.

«Osyndaı aksıalardyń arqasynda donor atanyp, qan tapsyrýshylardyń sany arta túsedi. Óskemen qalasy, jaqyn mańdaǵy aýyldardan, tipti aýdandardan da kelip jatady. Jalpy halyqtyń belsendiliginiń arqasynda donorlardyń sany jyldan-jylǵa ósip keledi», – dedi oblystyq qan ortalyǵynyń dırektory  Haırýlla Jıgıtaev.

SHQO boıynsha óz erkimen qan tapsyrýshy donorlardyń salmaq úlesi 91 %-dy quraǵan. Derekterge súıensek, 34 lıtrge deıin qan tapsyrǵan azamattar da kezdesken.

«Meniń donor atanǵanyma uzaq bolmasa da, ýaqytyly kelip, qan tapsyryp turamyn. Sebebi ol tek ıgi is emes, ol denede zat almasýdy jaqsartatyn úrdis», – dedi qala turǵyny Evgenıı Kýrlyhın