Ońtústik Qazaqstan oblysynda jyldam ázirlenetin halal kespe óndirisi jolǵa qoıylyp otyr, - dep habarlaıdy Qamshy.kz.

"Lotus Food Company" JSHS-niń «Qazan kespe» dep atalatyn ónimi Qazaqstan dúkenderi men saýda ortalyqtarynda 1 shildeden bastap satylmaq.

Kásiporyn taratqan málimetke sensek, «Qazan kespe» «adal» standartyna saı keletin sertıfıkattalǵan ónim kórinedi. «Ony ázirleýge eshqandaı hımıalyq qospalar qoldanylmaıdy, tek otandyq un ǵana paıdalanylady» delingen kompanıa taratqan habarlamada.

Kompanıa basshysy Álıakpar Ibadýllaevtń aıtýynsha, naryqtyń atalǵan bóliginiń 20 paıyzyn jaýlap alýdy josparlap otyr.

«Óndiriske ınvestısıa retinde 471 mln teńge quıyldy. Zaýyttyń qýaty kúnine 120000 qorap kespe shyǵarý. Jańa kásiporyn qosymsha 50 jumys ornyn ashyp otyr», - delingen kompanıa habarlamasynda.