Botoks jasaımyn dep klıentin ajal qushtyrǵan máskeýlik kosmetolog sot zalynan bostandyqqa jiberildi. Elvıra Abdýllaevaǵa marqumnyń týystary keshirim beripti. Sondyqtan, tek 3 jyl shartty jazamen qutylǵan, - dep habarlaıdy Qamshy.kz KTK arnasyna silteme jasap.

Sottaǵy sońǵy sózinde de kóz jasyn kól qylǵan sulýlyq mamany Aıjan Jaqanovanyń týystarynan taǵy keshirim surady. Ol naýryz aıynda Oralǵa «Zvezda Vostoka» salony ıesiniń arnaıy shaqyrtýmen kelgen bolatyn. Al botoks jasatqannan keıin oblystyq Memlekettik kiris departamenti bastyǵynyń áıeli Aıjan Jaqanova anafılaktıkalyq shoktan esinen tanǵan. Shaqyrtylǵan jedel járdem de jarytyp kómek bere almapty. Óıtkeni, kelgen dárigeri - 8 aı buryn kolej bitirgen maman men zootehnık bilimi bar feldsher. Sóıtip, der kezinde kásibı kómek kórsetilmegen Jaqanova baqılyq boldy. Sondaı-aq tergeý kezinde Abdýllaevanyń kosmetologıalyq qyzmet kórsetýge ruqsat etetin lısenzıasy bolmaǵany da anyqtaldy. Soǵan qaramastan, úsh aıǵa jýyq Oraldyń tergeý abaqtysynda otyrǵan kelinshek sot zalynan úıine ketti.