Shyǵys Qazaqstannyń Jarma aýdanynda da sibir jarasyn juqtyrǵan eki adam anyqtaldy. Terisine belgisiz bórtpeler shyǵyp, aýrýhanaǵa túsken turǵyndardyń kúıdirgige shaldyqqanyn Densaýlyq saqtaý jáne áleýmettik damý mınıstriniń ózi rastady, - dep habarlaıdy Qamshy.kz 31 arnaǵa silteme jasap.
Sondaı-aq Tamara Dúısenova otaǵasynyń ólimine dárigerlerdi aıyptap otyrǵan Qaraǵandydaǵy qaıǵy jamylǵan otbasyna jaýap berdi.
Sibir jarasynan kóz jumǵan Káken Qajkenov aman qalar edi... Marqumnyń uly eki kún emhana esigin tozdyrǵan naýqas ákesine tiri jannyń kómektespegenin aıtyp, osylaı dep shaǵymdanyp otyr. Ulynyń sózinshe, demalys kúni oblystyq aýrýhanada kezekshi dáriger bolmaı, ákesin 200 shaqyrymǵa, aýylyna keri qaıtaryp jibergen.
NURTİLEÝ SIAZBAEV, Káken Qajykenovtyń uly:
- Qabyldamaımyz, búgin senbi, erteń jeksenbi. Dúısenbi bir-aq kelińder. Bizde dárigerler búgin jumys istemeıdi dep qaıtaryp jiberdi. Jatqyzbasa da bizdi, analız alýlary kerek edi, tabatyn edi aýrýdy. İsikti kóre tura, jarany kóre tura, biz aıttyq aýylda birneshe adamda bar aýylda dep, olar suraıdy bizden: ózderiń qalaı oılaısyńdar dep.
«Úsh aýrýhanaǵa bardyq, eshqaısysy esik ashpady» dep ashynǵan otbasyna nege ýaqytyly kómek kórsetilmegenin mınıstrdiń ózi búgin túsindirip berdi.
TAMARA DÚISENOVA, QR Densaýlyq saqtaý jáne damý mınıstri:
- Chelovek prıshel ı skazal chto porezal rýkı. Ne bylo ınformasıı ý med.organızasıı o tom chto vozmojno tam estsıbırskaıa ıazva. Pervoe, pozdnee obrashenıe, vtoroe: nastorojennostı ne bylo. Ne bylo ınformasıı ý med.organızasıı da ı sam pasıent ne skazal chto porezal rýkı vo vremá zaboıa skota.
Naýqas aıtpasa, dáriger de suramaǵan syńaıly. «Qaterli dertke shaldyqqanymyzdy» qaıdan bileıik dep shamdanǵan otbasy aq halattylardy tekserýdi surap otyr. Mınıstrlik muny óz qolyna alypty. Sondaı-aq Shyǵys Qazaqstannyń Jarma aýdanynda sibir jarasyn juqtyrǵan eki adamnyń densaýlyǵyn Tamara Dúısenova birqalypty dedi. Olar kúıdirgige shaldyqty degen kúdikpen birneshe kún buryn aýrýhanaǵa túsken bolatyn.
TAMARA DÚISENOVA, QR Densaýlyq saqtaý jáne damý mınıstri:
- Qazirgi jaǵdaılary birqalypty, olardyń ómirine úlken qaýip tónip turǵan joq.Qaraǵandyda aýyryp jatqan 7 azamat boıynsha med kómek kórsetilip jatyr.
Jaýaptylar ajalǵa aıyptyny izdep dal bolsa, áleýmettik jeli qazir naǵyz dúrlikpege aınalǵan. Kókshetaý, Oral men Almaty turǵyndaryna kesheden beri qalada jaradan kóz jumǵandar kóbeıdi, et alý qaýipti degen aýdıohabarlama «Vatsap» arqyly taraı bastaǵan.
Tipti, sútten syrqat juqtyrǵandar bar dep adamdardy alańdatqan arandatýshylar kóbeıip jatyr. Sút kompanıalarynyń biri habarlama taratýshylardy taýyp, sotqa berýdi surap otyr. Al ishki ister mınıstrligi jalǵan aqparat taratýshylar anyqtalyp, mindetti túrde jazasyn alady dep sendirdi.
