Maqpal Júnisovanyń shańyraq kótergenine bıyl on alty jyl tolǵan. Arada uzaq ýaqyt ótse de, Zamanbek Nurqadilovtiń birinshi otbasy oǵan kún kórsetpeı júrgen kórinedi, - dep habarlaıdy Qamshy.kz.

Bul týraly ánshiniń ózi 31 arnanyń “Aıta bersin” baǵdarlamasynda aıtyp berdi, – dep jazady stan.kz.

Belgili saıasatker Zamanbek Nurqadilovtiń qaıtys bolǵan kúni áli de el esinde. Ol óziniń úıinde atyp óltirilgen bolatyn. Maqpal Júnisova qansha qaıǵyly oqıǵamen baılanysty bolsa da, ózi turyp jatqan úıin satqysy kelmeıtinin aıtady. Sebebi, marqum Nurqadilov qyzy Mereıdi osy úıden uzatqysy kelgen eken.

Munymen qatar, Júnisova marqum joldasynyń otbasy osy kúnge deıin kún kórsetpeı kele jatqanyn aıtty. Ol bir kezderi Nurqadilovtyń birinshi shańyraǵyn shaıqaltpaý úshin óz baqytynan bas tartpaq bolǵan. Alaıda Nurqadilov myrza ǵashyq ekenin aıtyp, otbasyna qaıta barýdan bas tartqan.

“Ol meniń sońymnan eki jyl boıy júgirdi. Biz 1991 jyldan bastap birge turdyq. 1998 jyly zańdy nekege turdyq. Ol kisi óziniń otbasyna oralar degen oımen kópke deıin nekemizdi zańdastyrýǵa kelisimimdi bermeı keldim. Alaıda Zákeń “Janýlá, sen meni sonsha jyl kúttirip qoıdyń. Toı jasaıyq” dedi. Osylaısha otastyq.

Marqum joldasymnyń bala-shaǵasy osy kúnge deıin kún kórsetpeı keledi. Bul – shyndyq. Olar meni qabyldamaı, ákelerin qaıtarǵysy keldi. Men de onyń óz otbasyna oralǵanyn qaladym. Qaıt degende qaıtpaǵan adam ǵoı. Tipti, maǵan qujatsyz-aq osylaı ǵashyq bola bershi dep ótingen bolatynmyn”, – deıdi Maqpal Júnisova.

Búginde Maqpal Júnisovanyń Mereı esimdi qyzy bar. Bolashaqta qyzyn aman-esen uzatyp, urpaq órbitsem dep armandaıdy eken ánshi.