Úkimet otyrysynda QR Premer-Mınıstri Kárim Másimov Qazaqstan aýmaǵyndaǵy aýrý maldardyń óleksesi kómilgen oryndardyń kúzetin kúsheıtýdi tapsyrdy, - dep habarlaıdy Qamshy.kz.

«Keshe biz Qaraǵandy oblysynda túıneme máselesi boıynsha keńes ótkizgen bolatynbyz. Aýrý maldardyń óleksesi kómilgen jerlerdi kúzetý baqylaýdan shyǵyp bara jatyr. Osy rettegi jumystardy tyńǵylyqty pysyqtaý kerek jáne bul baǵytta tıisti tapsyrma berdim. Asqar Isabekuly, osy jumystardy úılestirý ákimdermen birge sizge júkteledi. Úkimettiń kelesi otyrysynda osy máseleden bastaımyz»,-dedi K. Másimov vıse-premer-QR Aýyl sharýashylyǵy mınıstrine qaratyp aıtqan sózinde.

Másimovtyń sózinshe, elimizdiń aýmaǵyndaǵy mal ólekseleri kómilgen oryndardyń naqty kartasy kórsetilýi tıis.

«Olardyń barlyǵy senimdi túrde kúzetilýi kerek. Atap aıtqanda, bul jumystarǵa qarjy bólingen bolatyn. Osy rette bul qarjynyń qaıda jumsalǵanyn, sondaı-aq bul sharalarǵa baǵyttalǵan qarjynyń ıgerilýine árbir oblystar boıynsha kimder jeke jaýap beretinin qaraý qajet»,-dedi Úkimet basshysy.

Budan bólek, K. Másimov óńirlerde veterınarlyq qadaǵalaý tıisti deńgeıde emes ekenin atap ótti. Sonymen qatar Premer-Mınıstr sanıtarlyq-epıdemıologıalyq baqylaý qyzmetin Densaýlyq saqtaý jáne áleýmettik damý mınıstrliginiń basqarýyna berý sharalaryn qarastyrýdy tapsyrdy.