Jaqynda Ulttyq bank qazaqstandyq bankterdiń depozıt bazasynyń jaǵdaıy týraly málimetterdi jarıalady. Jarıalanymǵa sáıkes, bıylǵy jyldyń aqpan aıynda sms-shabýylǵa ushyraǵan úsh bankten salymshylar keri alǵan salym kólemi 169.mlrd.teńgeni quraǵan. Onyń ishinde SentrKredıt banktiń jalpy depozıt qorjynynan qaıtarylǵan qarajat kólemi 14,7%,  Kaspi bank – 16,8%, Aláns bank – 30,9%.

    Al,  Ulttyq bank taratqan sońǵy aqparyna oraı, kaspi bank-tiń baspasóz qyzmeti arnaıy habarlama taratty. Olar taratqan aqparǵa sáıkes qazirge deıin salymdardyń úshten bir bóligi nemese 35%-y qaıta oralǵan.  «Biz kún saıyn depozıt ósimin baıqap otyrmyz. Jańa klıenttermen qatar dúrbeleńge ilesken klıentterimiz de qaıta kelip jatyr. Sáýir aıynyń birinshi aptasynda qaıta salynǵan depozıt kólemi 35% qurady»,-deıdi kaspi bank-tiń basqarma tóraǵasy  Mıhaıl Lomtadze.

    Basqarma tóraǵasynyń pikirinshe bul qarqyn jalǵassa dúrbeleń kezinde alynǵan  salymdardyń negizgi bóligi aldaǵy 3-4 aıda qaıta oralmaq.