Olımpıada oıyndarynda altyn júldeden basty úmitker sanalyp otyrǵan 69 kelidegi Danıar Eleýsinovtiń qarsylasy anyqtaldy, - dep habarlaıdy Qamshy.kz Baq.kz - ke silteme jasap.

Ulttyq quramanyń kapıtany birinshi aınalymda bos bolǵan edi. Búgin onyń 1/8 fınaldaǵy qarsylasy anyqtaldy. Ulybrıtanıa boksshysy Djosh Kellı Egıpetten kelgen Valıd Mohamedti utty. Endi 11 tamyz kúni Eleýsinov pen Kellı kezdesetin bolady.

Bul boksshy qazaqstandyq jankúıerlerge jaqsy tanys. Búkilálemdik boks serıasynda (WSB) Aslan Shymbergenovke utylǵan edi.

Aıta keteıik, Rıo Olımpıadasynda 28 sport túrinen 206 memleket pen bosqyndar komandalarynan 10 myńnan astam sportshy qatysýda. Baıraqty básekede 306 medal jıyntyǵy sarapqa salynyp jatyr. Tórt jyldyqtyń basty dodasynda elimizdiń namysyn 26 sport túrinen 104 sportshy qorǵaıdy.