Qyrǵyzstan bıligi Sırıaǵa ekstremıstik toptar qataryna qosylý úshin ketpek bolǵan degen kúdikpen eki qyrǵyz azamatynyń qamalǵanyn habarlady. Qyrǵyzstan Memlekettik ulttyq qaýipsizdik komıteti kúdiktiler bıyl shildede el aýmaǵynan tysqary jerde ustalǵanyn jarıalaǵanymen, naqty qaı jerde ustalǵanyn aıtpady, - dep habarlaıdy Qamshy.kz Azattyqqa silteme jasap.

Resmı málimet boıynsha, kúdiktiler shildeniń basynda Qyrǵyzstannan Sırıadaǵy úkimet kúshterine qarsy soǵystarǵa qatysý úshin ushyp ketken. Bul fakt boıynsha "jaldamaly bolý" baby boıynsha qylmystyq is qozǵalyp, ustalǵandar 30 shildede Qyrǵyzstanǵan jetkizilip, qamalǵan.

Bishkek Sırıa men Irakta "Islam memleketi" ekstremıstik uıymy qatarynda 500-ge tarta qyrǵyzstandyq soǵysyp júr deıdi. Qyrǵyzstan ishki ister mınıstrligi terorızmmen kúres basqarmasynyń málimetinshe, atalǵan elderde 30-ǵa tarta qyrǵyz azamaty mert bolyp, 40-y otanyna oralǵan.