Aqmola oblystyq quqyq qorǵaý organdary óziniń eshqandaı oqýǵa túse almaıtynyn bilgen 17 jasar oqýshynyń óz-ózine qol jumsap qaıtys bolǵanyn málimdedi, - dep habarlaıdy Qamshy.kz BAQ.kz - ke silteme jasap.

Habarlamada 8 tamyz kúni Aqmola oblysy Stepnák qalasynyń jedel járdem qyzmetine Eńbekshiler aýdanynyń kezekshi bóliminen 11-synyp oqýshysynyń óz-ózine qol jumsaǵany týraly aqparat kelgeni aıtylady.

1999 jyly dúnıege kelgen jasóspirim óz úıiniń shatyrynda asylyp qalǵan. Oqys oqıǵanyń neden bolǵanyn, jasóspirimniń ne sebepti mundaı áreketke barǵanyn teksergen quqyq qorǵaý oryndary oqýshynyń óler aldynda anasyna qaldyrǵan hatyn tapty.

Onda: «Ana, keshir meni. Men senderdi uıatqa qaldyrǵym kelmeıdi. Men eshqandaı oqý ornyna túse almaımyn»,-dep jazylǵan.

Ata-anasyn uıatqa qaldyrǵysy kelgen oqýshynyń namysy, ókinishke qaraı, ata-anasyn orny tolmas qaıǵyǵa qaldyraryn jas jetkinshek baǵamdaı almaǵan sekildi. Oqýǵa túse almaǵany úshin óz-ózine qol jumsaý – eń ońaı jol emes ekenin aıtqymyz keledi. Árıne, kimniń bolsa da teń qurbysynan qalmaı qalaǵan oqýyna túsip ketkeni barlyǵy úshin qýanysh. Degenmen oqýdan da mańyzdy qundylyqtar baryn umytpaǵan abzal.