Halyqtyń súıiktilerine aınalǵan Qaırat Nurtastyń anasy úlken tanymaldylyqqa ıe bolmas burynǵy qıyn joldy vıdeo arqyly jetkizdi. Óziniń jeke áleýmettik paraqshasynda ánshiniń anasy Gúlzıra Aıdarbekova salǵan vıdeony 70 myńǵa jýyq adam qarap, oǵan 300-ge jýyq pikir qaldyrǵan. Vıdeoda Qaırat Nurtastyń mektep sahnasynan qazirgi úlken sahnalarǵa deıingi qıyn da qyzyqty joly beınelengen, - dep habarlaıdy Qamshy.kz zhambylnews.kz - ke silteme jasap.

Onyń ishinde Praım Plaza kesheninde bolǵan tyńdarman narazylyǵy, kelispeýshilik bolǵan sátter, sondaı-aq, anasynyń ánshini beıtanys jandardan qorǵaý maqsatynda arpalysyp jatqany jáne balasynyń jetistikteri taspalanǵan.

Jeli qoldanýshylary "Qaırat aǵa eńbekqor, aldynda basymdy ıemin", "İnim, sen talantty ánshisiń, basqalar sáqty maqtanyp ketpeısiń", "Kórip otyrǵandaryńyzdaı, Qaırat ta, anasy da bul jetistikke kóp qıynshylyq pen eńbek arqyly jetken", "Alla aman saqtasyn!" degen jyly, jaǵymdy pikirler qaldyrǵan.

Vıdoǵa Gúlzıra Aıdarbekova "Jaraly jannyń áni bul" atty ánniń tómendegideı mátinin jazǵan eken:

«Kúndestik degen qońyraý sońymnan erip áli júr.
Synaǵy shyǵar áli bul,
Sabyrmen kútip sońynda, jeńemin bárin báribir.
Bul meniń syrym aq qardaı, aqpanda jaýǵan men úshin.
Oralmaı ótken shaqtarǵa, arqalap arman jeńisin.
Qaıratym tasyp jatqandaı, aq júrek ana – sen úshin.
Jarq etem áli aq tańdaı, jeńilgenderim jeńisim!
Asýlar alar aldymda, baspaldaq ómir áli bul.
Tilegin aıtar el barda, júregim aıtar áli jyr,
Jaratqan ıem sen barda, jeńemin bárin bári bir!»