Federaldyq qaýipsizdik qyzmeti Reseımen anneksıalanǵan Qyrymda dıversıa ázirledi degen kúdikpen ustalǵan Ýkraına azamaty Evgenıı Panovtyń tergeýdegi vıdeosyn kórsetti, - dep habarlaıdy Qamshy.kz centralasian.org – ke silteme jasap.

Panovtyń aıtýynsha, jarty aralǵa jetkizilgen toptyń quramynda ýkraınalyq tergeýdiń ofıserleri kirgen. Aıyptalýshy olardyń esimderi men búrkenshik attaryn atady.

Separatısterge qarsy operasıa aımaǵyndaǵy áskerı qımyldarǵa qatysty dep tanystyrylǵan Panov Kıevke shaqyrtylǵanyn, Qyrymda dıversıa jasaý úshin qurylǵan topty basqarǵanyn málimdedi. Onyń sózinshe, shabýyl parom ótkelinde, hımıalyq zaýytta, munaı bazasynda jáne basqa da nysandarda jasalýy tıis bolǵan. Operasıa barysynda bes reseılik áskerı forma paıdalanyldy, Armánsk qalasynda qarý-jaraq jáne jarylǵysh zattar qoımasy jasyryldy, dedi Panov.

Buǵan deıin Reseıdiń Syrtqy ister mınıstrligi Qyrymda ustalǵan ekinshi ýkraınalyqtyń esimi - Andreı Zahteı ekenin jarıalaǵan edi. Mınıstrlik málimeti boıynsha, Qyrymda Ýkraına jáne Reseı azamattary ustalǵan. Reseılik arnaıy qyzmettiń Qyrymdaǵy operasıasy "Ýkraına Qorǵanys mınıstrligi Bas barlaý basqarmasynyń agenttik júıesiniń kózin joıý" dep ataldy.

Sol kúni ýkraınalyq Bas shtabtyń baspasóz hatshysy Vladıslav Seleznev Reseı basyp alǵan Qyrymnyń ákimshilik shekarasynda reseılik áskerdiń nyǵaıýyna jaýap retinde shara qoldanylyp jatqanyn málimdedi. Seleznev ýkraınalyq áskerdiń prezıdent Petr Poroshenkonyń nusqaýyn oryndap jatqanyn atap ótti, biraq naqty qandaı sheshim qabyldanǵanyn túsindirmedi.

Ýkraına Syrtqy ister mınıstrligi halyqaralyq uıymdardy "Kremldiń arandatýshylyǵyna" jaýap berýge, al EQYU qyzmetterin Qyrymmen shekaradaǵy baqylaýyn kúsheıtýge shaqyrdy.