Búgin Astanada Jer reformasy boıynsha komısıanyń kezekti otyrysynda osy baǵyttaǵy buǵan deıingi atqarylǵan jumystar ekshelip, naqty usynystar jasaldy. Sondaı salmaqtalyp, saralanǵan usynymnyń biri – aýyl sharýashylyǵy jerlerin Qazaqstan Respýblıkasy jeke jáne zańdy tulǵalaryna 49 jylǵa deıingi merzimge jalǵa berý ınstıtýtyn saqtap qalý máselesi boldy, - dep habarlaıdy Qamshy.kz.

Atap aıtqanda, turaqty monıtorıń júrgizý arqyly jer paıdalanýshylarynyń jerdi utymdy paıdalanýyna jáne ózine berilgen mindettemelerdi oryndaýyna baqylaýdy kúsheıtý. Iaǵnı, jalǵa alýdyń alǵashqy 5 jylynda – jyl saıyn, odan keıingi kezeńderde sýarmaly egistikterde ár 3 jyl saıyn, tálimi jerlerde ár 5 jyl saıyn monıtorıńileý usynylyp otyr.

Sonymen qatar, Jer kodeksinde aýyl sharýashylyǵy jerlerin berýdiń jeke jáne egjeı-tegjeıli reglamentteıtin tártibin belgileý, aýyl sharýashylyǵy jerlerin berý jónindegi konkýrstardyń ashyqtyǵyn qamtamasyz etý úshin konkýrs komısıasynyń quramyna qoǵamdyq keńester men birlestikterdiń ókilderin qosý, ákimdikterdiń aýyl sharýashylyǵy jerlerin berý jónindegi naqty is-qımyldary tártibin belgileıtin konkýrs ótkizý qaǵıdalaryn ázirleý ortaǵa tastaldy. 

Jalǵa berý merzimin bıznes-josparǵa sáıkes ınvestısıalar kólemine qaraı aıqyndaý, onyń ishinde, jaldaý merzimin uzartý týraly sheshimdi qoǵamdyq keńester men birlestikterdiń qatysýymen, jerdi paıdalaný monıtorıńiniń jáne jaldaý shartynyń talaptaryn tıisinshe oryndalýynyń nátıjeleri boıynsha qabyldaý qajettiligin aıqyndaý, jer paıdalanýshylardyń mindetteri men jaýapkershiligin naqtylaı jáne kúsheıte otyryp, aýyl sharýashylyǵy jerlerin jalǵa berýdiń úlgilik shartyn ázirlep bekitý, aýyl sharýashylyǵy jerlerin tıimdi paıdalanýdyń talaptaryn kúsheıtý máseleleri de atap ótildi.

Aıta keteıik, búgingi kúnge deıin Komısıamen 4 otyrys jáne Aqmola, Almaty, Qyzylorda jáne Atyraý oblystary turǵyndarymen 4 kezdesý ótkizildi. Qoǵamnyń qyzý talqysyna túsken máseleler boıynsha Komısıa tıimdi jumystar atqaryp, halyqpen qoldaý tapqan usynystar engizildi.