Búgin Astanada Jer reformasy boıynsha komısıanyń kezekti otyrysynda osy baǵyttaǵy buǵan deıingi atqarylǵan jumystar ekshelip, naqty usynystar tujyrymdaldy. 

Atap aıtar bolsaq, kópshilik tarapynan asa qyzý talqyǵa túsip, zerttep, zerdelengen máseleniń taǵy biri – ár azamatqa bekitiletin eń joǵary mólsherleme boıynsha «Qazaqstandyqtarǵa jalǵa beriletin aýyl sharýashylyǵy jerleriniń shekti mólsherleri belgilensin» degen sheshim qabyldandy.

Sonymen qatar, ortaǵa tastalǵan kezekti toqtam –  shekara mańy aýmaqtaryndaǵy aýyl sharýashylyǵy jerleriniń memlekettik shekaradan radıýsyn aıqyndaı otyryp, jergilikti jaǵdaılarǵa jáne óńirdiń erekshelikterine baılanysty olardy berý jónindegi talaptardy anyqtap, bekitý máselesine arnaldy. Iaǵnı, shekara mańynda jergilikti jaǵdaılar men óńirdiń erekshelikteri eskerilýge tıis.

Aıta keteıik, búgingi kúnge deıin Komısıamen 4 otyrys jáne Aqmola, Almaty, Qyzylorda jáne Atyraý oblystary turǵyndarymen 4 kezdesý ótkizildi. Qoǵamnyń qyzý talqysyna túsken máseleler boıynsha Komısıa tıimdi jumystar atqaryp, halyqpen qoldaý tapqan usynystar engizildi.