Serpilý

Jazyp- jazyp tastaıyn jazarymdy,

Basqaǵa bura bermeı nazarymdy.

Eskirgen meshpetteıin laqtyraıyn,

Bir jolata umytyp azabymdy.

Ulylyqqa týralap baǵytymdy,

Sanaǵa sap qazaqı saltymdy.

Jazyp- jazyp tastaıyn jańalyqty,

Degeninshe el, bunyń da jaǵy tyndy.

Ózime saı ómirden syı alaıyn,

Arman qýmaı qalaı tek júre alaıyn.

Shabytyma minip ap qýalaıyn,

Arman atty ómirdiń quralaıyn.

Artyma óshpeıtin jyr- án qaldyryp,

Tań qaldyryp óteıin, tań qaldyryp.

Tup- tunyq sulý jyrdy tizbekteıin,

Jubaıym taǵyp júrsin marjan qylyp.

Jazyp- jazyp tastaıyn jalyn jyrdy,

Jalyn jyr   meni ózine  tabyndyrdy.

Shyndyq gúlin izdeıin shyńyraýdan,

Bolsada jol buralań, janym muńly...

Údetip  keýdemdegi  jalynymdy,

Elge arnaıyn shýaq- jyr, jaryǵymdy.

Poezıa shebine  attanaıyn,

Qolǵa alyp   qaǵaz- qalam,  '' qarýymdy''.

Jalyndaımyn

Men jalynmyn, áli de jalyndaımyn,

Eshkimge jalyn ber dep jalynbaımyn.

Jaqsylardyń júremin saıasynda,

Jamandardyń janynan tabylmaımyn.

Jyrdan týǵan júrekte jalynym mol,

Jalynym bol  arýym, jaryǵym bol.

Qasyretten samarqaý  tartsam eger ,

Jalynymdy   jelpıtin   arynym bol .

Sende qarǵam jalynda, jalyndasań,

Jalynymmen qupıa   janyńdy asham.

Máńgilikke jalyndy ótý mendegi arman,

Keýdemnen úzilgenshe janym qashan.

Sen dep ǵana

Qınalamyn tilegimdi aıta almaı,

Syılaǵamyn jyr ózińe maı tańdaı.

Syıaǵanym júr ózińe baıqalmaı,

Qımaǵamyn, jigitterge ár qandaı.

Júregimdi jaıyp salyp aldyńa,

Tilegimdi saǵan qoıǵan al myna!

Bir ózińdi súıdi júrek jan myna,

Tileýimdi janyń súımeı qaldyma.

Janym meniń,  aınalaıyn  júzińnen,

Ánim meniń emes sen dep úzilgen.

Arym meniń móldir  taza úzimnen,

Jarym degim keldi seni búgin men...

Jylatpa

Jylatpa meni jarqynym,

Jylatýǵa joq haqyń.

Demińe seniń balqydym,

Jaqyn turǵandaı otqa tym.

Qınama meni aqyldym,

Kóńilim meniń tym názik.

Seni oılap taǵy jatyrmyn,

Óziń dep otty jyr jazyp.

Qasyńda seniń máńgilik,

Júreıin ustap qolyńnan.

Ókinishke  qaldyryp,

Aıyrma baqyt jolymnan.

Men seniń “Tólegeniń”

Jalyn edim, jazylǵan óleń edim,

Kóńilimdi uqpaısyń nege meniń?!

Ózińdeı “Qyz Jibekke” ǵashyq bolǵan ,

Men seniń adal júrek “Tólegeniń”.

Bolsada, janym muńly elemedim,

Azabyńa ár qandaı kóner edim.

“Bekejanyń” sadaǵyn saılasada,

“Tólegen” bop sen úshin óler edim!!!

Syry tylsym teńizden tereń edim,

Biraq sen onyń birin elemediń.

Adam túgil qaıtpaıtyn ajaldan da,

Men seniń qaısar júrek “Tólegeniń”.

Tússede ne qıyndyq jas basyma,

Ózim senem qurdymǵa batpasyma.

Telmirtip qoıma meni uzaq ýaqyt,

Mahabbattyń kıeli qaqpasyna.

Azapqa salma meni ótinemin,

Qoldan túsken shynydaı ketilemin.

Ózińnen qońyraý da keldi mine

Sen jaıly óleń oılap otyr edim...

Sen jaıly jazylatyn kóp óleńim,

Senimen ǵana baqytqa kenelemin.

Qadalsa da keýdeme jebe meniń,

Men seniń “Tólegeniń” bop ólemin...