Qazaqstan boks federasıasynyń sheshimimen Olımpıadada ádiletsizdike ushyrap, altyndy ala almaı qalǵan Vasılıı Levıt elimiz taǵaıyndaǵan chempıonǵa laıyq syıaqyny alady, - dep habarlaıdy Qamshy.kz.
QBF-nyń málimdeýine qaraǵanda Levıt memlekettiń kúmis júldegerge taǵaıyndaǵan 150 myń AQSH dollaryn alady. Buǵan qosa federasıa óz tarapynan taǵy 100 myń dollar qospaqshy.
"Qazaqstan namysyn abyroımen qorǵaǵan Vasılıı Levıtke endi elde osyndaı qurmet kórsetiledi. Buǵan qosa, arty úlken daýǵa ulasqan jekpe-jek jaıynda taǵy birqatar sharalar qolǵa alynady" -degen federasıanyń baspasóz qyzmeti bul másele jóninde tolyǵyraq aqparatty keıin beretinin jetkizdi.
Esterińizde bolsa, bokstan 91 kelige deıingi salmaq dárejesinde Olımpıada fınalynda qazaqstandyq Vasılıı Levıt reseılik Evgenıı Tıshenkomen kezdesken bolatyn. Saıys sheshimi ádiletsizdikpen shyǵarylǵanyn álemdik BAQ jarysa jazyp jatyr. Sodan beri halyqaralyq boks qaýymdastyǵynyń atyna jáne tórelik etken qazylarǵa baǵyttalǵan syn tolastar emes.
