Shyǵys Qazaqstan oblysy qoǵamdyq keńesiniń densaýlyq saqtaý boıynsha saraptaý jumys toby aımaqtaǵy medısına mekemelerin, sonyń ishinde ońaltý ortalyǵynyń jumysyn tekserip, óz otyrysynda oblystaǵy densaýlyq saqtaý máselelerin talqylady. Usynystar men usynymdar ázirlengen soń, olardy SHQO qoǵamdyq keńesine jiberdi, - dep habarlaıdy Qamshy.kz QazAqparatqa silteme jasap.

Aımaqtaǵy medısınalyq mekemelerdi sarapshylardyń aralap shyǵýy nátıjesinde myna jaıttar belgili boldy: №4 qalalyq aýrýhana jańa qural-jabdyqqa zárý, al Óskemenniń jedel medısınalyq kómek stansıalarynyń avtoparkin jańartý kerek, sebebi 13 reanımobıldiń altaýy jumysqa jaramsyz.

Pasıentterden eń kóp shaǵym túsken oblystyq ońaltý ortalyǵyna sarapshylar esh josparsyz bardy.

«Nysan barlyq qajetti quraldarmen jabdyqtalǵan, shtat ta tolyq jasaqtalǵan, - deıdi SHQO qoǵamdyq keńesi densaýlyq saqtaý boıynsha saraptaý jumys tobynyń tóraıymy  Tatána Chernyshova. - Biraq, birqatar máseleler bar eken. Jańbyr sýyn aǵyzatyn kanalızasıanyń durys qurylmaýynan lıft shahtasyn únemi sý basady. Sol sebepti, ońaltý ortalyǵyna asa qajet lıftiler qazir istemeı tur.

Ǵımarat shatyrynan sý aǵady. Jertóle qabaty sapasyz jasalǵan. Ondaǵy ylǵaldyń kóptiginen zeń paıda bolǵan. Em vanalary tolyq qýatymen jumys istemeıdi, sebebi oǵan sý durys berilmeıdi, sapasy da syn kótermeıdi. Mundaı jaǵdaıda em qabyldaýdyń ózi múmkin emes.

Jylý toraby rettelmegendikten, jylý shyǵyny esepte kórsetilgen shamadan asyp ketken. Dýsh bólmelerinde edenge bekitilmegen taıǵanaq tósenishter qoıylǵan. Tutqalary joq. Osy kemshiliktiń bárin ǵımratty turǵyzǵan qurylysshylar jónge keltirýi tıis».

Oblystyq ana men bala ortalyǵynyń dırektory Sergeı Popov qymbat em túrlerine jeńildikterdiń pasıent kúte alatyn aýrý túrlerine (býyn, kóz aýrýlary) ǵana bólinetinin aıtty. Kardıologıalyq otalar jasaýdyń jóni bólek. Olar esh shekteýsiz jasala beredi jáne qazir eshqandaı kezek joq. Sondaı-aq, Qazaqstanda kórsetilmeıtin medısınalyq qyzmet túrlerine de jeńildikter bar, bul jaǵdaıda pasıentter shetelge em alýǵa barady. Alaıdy qazir basqa ádis qoldanylýda.

«Bizdiń klınıkalar barlyq qajetti quraldar bar, tek qajetti bilim men qabilet jetpeı jatyr. Pasıentterdi shetelge shyǵarǵannan, sheteldik mamandardy Qazaqstanǵa shaqyrý jáne otandyq mamandardy oqytý áldeqaıda arzanyraq. Sondyqtan, biz sheteldik mamandardy kóptep shaqyryp, pasıentterdi osynda emdep jatyrmyz. Osylaısha, otandyq dárigerler tájirıbe jınaqtaýda, al biz sheberlik saǵattary kezinde birneshe pasıentterimizdi emdep alýǵa tyrysamyz», - dedi oblystyq ana men bala ortalyǵynyń dırektory Sergeı Popov.

«100 naqty qadam» Ult josparyndaǵy 5 prezıdenttik reformanyń besinshi tapsyrmasy - halyqqa esep beretin úkimetti qalyptastyrý. Búginde aımaq boıynsha jergilikti atqarý organdary janynda 20 Qoǵamdyq keńes jumys isteıdi.