Eldiń bas prokýratýrasy eks-prezıdenttiń jemqorlyq isine iligýine baılanysty sotqa saýal jiberdi. Seısenbi kúni Brazılıanyń federaldy soty qyzmetinen ketken prezıdent Dılma Roýsseff pen eldiń eks basshysy Inasıý Lýla da Sılva "Petrobras" munaı kompanıasyndaǵy jemqorlyqty tergeýge kedergi keltirdi degen kúdikpen is qozǵady. "GloboNews" telekanalynyń málimeti boıynsha, sotqa suraýdy eldiń bas prokýrory Rodrıgý Janot joldaǵan. Kúdiktilerdiń arasynda eks-mınıstrler Edýardý Kardozý men  Aloızıý Merkadantı de bar.  

Brazılıalyq "Petrobras" kompanıasy jemqorlyq daýyna 2014 jyly ilikken. Kelisimshartqa qol qoıý kezinde 3 paıyz kóleminde komısıalyq puldy qaltasyna basqan jasyryn júıe qyzmetkerleri bul aqshany saıasatkerlerdi satyp alýǵa jumsaǵan. Brazılıa bıliginiń málimetine sensek,   bundaı júıe arqyly olar 3,8 mıllıard dollar paıda tapqan.

Roýsseffke senimsizdik bildirý máselesi Brazılıanyń opozısıalyq partıasynyń talaby boıynsha qarastyrylýda. Opozısıalyq partıa 2015 jyly kongreste el prezıdentiniń qyzmetten ketýin jáne oǵan qatysty salyqtyq zań buzýshylyq pen memleket qarjysyn paıdalandy degen kúdikpen is qozǵaýdy talap etken. Al depýtattardyń qorytyndy daýys berýi  25 tamyzǵa josparlanyp otyr.