«Nur Otan» partıasynyń SHQO fılıalynyń tóraǵasy Danıal Ahmetov azamattardy jeke máseleleri boıynsha qabyldaýda Verhberezovskıı aýylyndaǵy «Glýbokov tehnıkalyq kolejin» jaýyp tastamaýdy, oqý ornyn ońtaılandyrý máselelerin qarastyrýdy tapsyrdy.

Jaqynda partıanyń aımaqtyq fılıal jetekshisiniń qoǵamdyq qabyldaýyna qoǵam belsendisi Valentına Kýkchenko kolejde oqıtyn balalardyń ata-anasy jazǵan hatty ákelip, tehnıkalyq kolejdi (220 balanyń ornyna 160 stýdent oqıdy, bala sany jetkiliksiz degen jeleýmen) jappaýyn, ony ózge aýyldaǵy agrarlyq kolejben biriktirýin surady. 

«Balalar oqýǵa kelip jatyr. Ǵımaratqa kúrdeli jóndeý júrgizilgen, jańa qurylǵylar bar, ǵımarat aýmaǵy qorshalǵan, fýtbol alańqaıy ornatylǵan», - dedi Valentına Mıhaılovna.

Olar Bilim basqarmasynyń kolej ǵımaratyna kámelet jasqa tolmaǵan qylmystyq is jasaǵan balalarǵa arnalǵan oblystyq mektep-ınternatty kóshirgisi keletini jaıly aqparatty estigen (Bul mektepte qylmystyq iske qatysy bar 28 bala bar eken).

Óz kezeginde Agrarlyq kolejdi 450 stýdentke arnap salynǵan, shyn máninde onda 112 stýdent oqyp jatyr, jańa oqý jylyn esepke alar bolsaq, shamamen 160 stýdent bolmaq. 

«Eger eki kolejdi biriktirsek, bir ǵımaratta 330-350 stýdent oqıtyn bolady, biraq tehnıkalyq kolejden bosaǵan jataqhananyń jaıyn oılastyrý kerek», - dedi «Nur Otan» SHQOF tóraǵasy. 

D.Ahmetov orynbasarlaryna 10 kún ishinde kolej máselesin jan-jaqty zertteýdi tapsyrdy.