Tóle bı aýdanynyń ákimi bolyp jaqynda taǵaıyndalǵan B.Parmanov eldi mekenderdiń tynys-tirshiligimen tanysýda. Eń aldymen ol 19 262 halqy bar Birinshi Mamyr aýyldyq okrýgin aralap, ondaǵy áleýmettik salalardyń tazalyǵy men abattandyrý jumystaryna nazar aýdardy.  

Aýdan ákimi sapary barysynda mal soıý, sút ónimin qabyldaıtyn «Faselı» selolyq tutyný kooperatıvin aralap kórip, ondaǵy qyzmetkerlermen tildesti. Atalǵan kásiporyn táýligine 3 tonna et, 1 tonna sút  óndirip «Fýd –Master Shymkent Kompanıasyna» jóneltýde.

Jumys sapary sońynda aýdan ákimi aýyl okrýginiń halqymen kezdesip,  aldaǵy ýaqytta birlese jumys isteýge shaqyrdy. Sondaı-aq, ol  oblys ákiminiń júktegen mindetterin oryndap, aýyz sý máselesin sheshýdi, ishki joldardy qaıta jóndeýden ótkizetinin atap ótti.