Tóle bı aýdanynyń ákimi bolyp jaqynda taǵaıyndalǵan B.Parmanov eldi mekenderdiń tynys-tirshiligimen tanysýda. Eń aldymen ol 19 262 halqy bar Birinshi Mamyr aýyldyq okrýgin aralap, ondaǵy áleýmettik salalardyń tazalyǵy men abattandyrý jumystaryna nazar aýdardy.
Munan soń aýdan basshysy Alǵabas, Taǵaına eldi mekenindegi bilim berý mekemeleri men ákimshilik ǵımarattaryn aralady. Sonymen qatar, Taǵaına aýylyndaǵy qyzanaq ósiretin jylyjaıdyń jumysymen tanysty. Ońtústik Koreıanyń tehnologıasymen jabdyqtalǵan TOO «Jasýlas» qyzanaq jylyjaıy qazan aıynda 1 ga jerden 70-80 tonna ónim shyǵarýdy josparlap otyr.
Jumys sapary sońynda aýdan ákimi aýyl okrýginiń halqymen kezdesip, aldaǵy ýaqytta birlese jumys isteýge shaqyrdy. Sondaı-aq, ol oblys ákiminiń júktegen mindetterin oryndap, aýyz sý máselesin sheshýdi, ishki joldardy qaıta jóndeýden ótkizetinin atap ótti.
