Oblys basshysy B.Atamqulov Saryaǵash aýdanyndaǵy "Nurly jol" baǵdarlamasy boıynsha qurylysy júrip jatqan Qurkeles aýyldyq okrýgi Dastan eldi mekenindegi 300 oryndyq № 136 mekteptiń qurylysymen tanysty.

Atalǵan nysandy "Lıder-NK" JSHS júrgizýde. Zamanaýı bilim oshaǵyn salýǵa Ulttyq qordan 1,6 mlrd teńge bólingen. 2015 jyly maýsym aıynda bastalǵan qurylys jumystary bıylǵy jyly tamyz aıynda aıaqtalady dep kútilýde.

OQO ákimi aýdanǵa jasaǵan jumys sapary kezinde qalanyń ishi arqyly ótetin "Ramadan" kanalynyń kúrdeli jóndeý jumysymen tanysty. Aıta ketý kerek atalǵan kanal alǵash ret 1909 jyly paıdalanýǵa berilgen. Sodan beri jóndeý jumysyn kórmegen nysannyń jalpy uzyndyǵy 19,0 shaqyrym.

Mańyzdy aryq Saryaǵash aýdanynyń 2500-ge jýyq gektar sýarmaly jerlern tirshilik kózimen qamtamasyz etedi. Qaıta qalpyna keltirý úshin oblys qazynasynan 900 mln. teńge qaralǵan.

Atalǵan sommaǵa 2015 jyly 12,6 shaqyrymy jóndelse, bıylǵy jyly 6,3 shaqyrymy betondalyp júıelendi. Qurylys jumystarymen tanysqan óńir basshysy jergilikti ákimdik pen merdigerge qurylystyń sapaly bolýyn jáne kanaldyń aınalasyn tıisti deńgeıde abattandyrýdy tapsyrdy.