Jyl basynan beri Maqtaralda 8 eldi meken aýyz sýmen qamtyldy. Táýlik boıy tirshilik nári berilip jatqan aýyldardyń ishinde S.Seıfýllın, Qulshyǵash, Jambyl eldi mekenderi de bar.
Aıta ketý kerek 2015 jyly aýyz sýdy kórshi aýyldardan tutynyp otyrǵan aýdandaǵy Andreev, Alpamys, Dostyq, Syrabad, Ǵ.Muratbaev, Abaı, Abat, Atamura, Qaraqyr syndy 9 eldi mekenniń halqy taza aýyz sýmen qamtamasyz etilgen bolatyn. Nátıjesinde, búginge deıin aýdandaǵy 24 saǵat boıy taza aýyz sý berilip jatqan eldi mekenderdiń sany 64-ke jetti.
Eldi mekenderdi tirshilik nárimen qamtý jumystary odan ári jalǵasýda. Búgingi tańda maqtaly óńir - Myrzashóldegi «Óńirlerdi damytý» baǵdarlamasy aıasynda jergilikti búdjetten 355 mln. teńgeden astam qarajat bólinip, Nurly tań, Yrysty, Q.Pernebaev, Tabysty, Oktábr, Datqa, Darhan, Saılaý, Nur, Tyń dala, Kókaral, Azat eldi mekenderindegi tozyǵy jetken sý qubyrlaryn jóndeý, sý eseptegish quraldaryn ornatý jumystary júrgizilýde.
Maqtaraldaǵy jer asty sý qorynyń mólsherin, sapasyn, jaramdylyǵyn anyqtaý maqsatynda 2015 jyly 26 eldi mekende geologıalyq izdeý-barlaý jumystary júrgizilse, 2016-2017 jyldarǵa 19 eldi mekenniń jerasty sý qoryna izdeý-barlaý jumystarynyń JSQ ázirleýge qarjy bóldirýge salalyq basqarmaǵa usynys berilip otyr.
Jalpy, halqy kún sanap ósip jatqan Maqtaral aýdanyndaǵy 174 eldi mekende uzyndyǵy 1885 shaqyrym bolatyn qoldanystaǵy sý qubyry bar. Bul sý qubyrlarynda 225 dana aýyz sý uńǵysy, 165 sý munarasy men 12 sý saqtaǵysh jáne sanıtarlyq qorǵaý aımaqtary halyq ıgiligine jumys istep tur.
