Respýblıkalyq jáne oblystyq buqaralyq aqparat quraldarynyń ókilderiniń is sapary úkimet tarapynan berilgen mol múmkindikterdi tıimdi paıdalanyp, jumys jasap jatqan Aqdala aýyldyq okrýginde «Agrofırma "Jańa Aqdala" jaýapkershiligi shekteýli seriktestiginiń tomat óńdeý zaýytynda jalǵasty,-dep habarlaıdy Qamshy.kz. 

Qazirgi tańda kásiporynnyń tóraǵasy T.E.Ajıbekovtiń basshylyǵymen qýattylyǵy táýligine 600 tonnany quraıtyn kókónis jáne jemis óndeý zaýytynda 120 adamdy ortasha 50,0 myń teńge jalaqymen turaqty jumyspen qamtylsa, maýsymdyq jumystarǵa180 adamdy jumyspen qamtyp, 300 ga. jerge tamshylatyp sýǵarý ádisimen qyzanaq, 170 ga. jerge baý, barlyǵy 470 ga jerdi ıgerip, elimizdiń áleýmettik jáne ekonomıkalyq jaǵynan damýyna óz úlesterin qosýda.

Shaǵyn dáne orta kásipkerlikti damytý maqsatynda Ońtústik qazaqstan oblysynda sharýlardyń máselelerine ońtaıly sheshim taýyp berý oń qarastyrylǵan. Bul úshin arnaıy jumys toby kúndiz-túni qyzmet etip, sannan sapaǵa kóshýdi maqsat etip otyr eken.

Shaǵyn kásipkerlikti damytý – Elbasy qoıyp otyrǵan basty mindetterdiń biri. Onyń ishinde óńdeýshi salany damytý, otandyq ónimder qataryn arttyrý ekonomıkany dıversıfıkasıalaýdyń basty sharty bolyp otyr. «Agrofırma "Jańa Aqdala" jaýapkershiligi shekteýli seriktestigi syndy kásiporyndar Elbasy saıasatynyń jemisti nátıjesine aıqyn dálel bola alady. «Agrofırma» «Jańa dala» jaýapkershiligi shekteýli seriktestiginiń basshylyǵynyń aıtýynsha, onyń ónimderi de tek oblys aýmaǵynda emes, respýblıka deńgeıinde suranysqa ıe bolyp otyr.