Jeri jazyq, jazıraly erekshe tabıǵatqa ıe, Qazaqstanda halqy eń tyǵyz ornalasqan aýdandardyń biri Maqtaral aýdany ekeni málim. Aq altynymen  maqtanyń araly atanǵan ólke búginde qaýyn-qarbyzymen de búkil álemge tanylýda. Oǵan dálel, aýdanymyz búkil qazaq dalasyn qamtamasyz etýmen qatar, sońǵy 2 aıda 200 000 tonna qaýyn-qarbyzdy Reseı men Eýropaǵa eksporttap úlgerdi.

Toqtaýsyz damyp jatqan ólkege Ońtústik Qazaqstan oblysy máslıhatynyń depýtaty Nuraly Ábishev kelgen bolatyn. Aýdannyń damý qarqynyn óz kózimen kórgen depýtat aýdan ákimi Jamantaı Beısenbaevpen kezdesip, birneshe máselelerdi talqylap úlgerdi. Sonyń ishinde Maqtaral aýdanyna kireberis qaqpanyń qurylysy jaıly sóz boldy.

Jobanyń syzbalaryn talqylaý barysynda depýtat óz usynystary men oılaryn aıtyp, qurylys jumystarynyń tez arada bastalýyna qoldaý bildiretinin atap ótti.