Shardara aýdanyndaǵy Jaýshyqum aýyly sońǵy birneshe jyldyń kóleminde bitik ósken jýasymen jurtqa tanylyp keledi. Golandıalyq tásilmen egetin pıaz alqabyndaǵy basty erekshelik – qol kúshiniń barlyǵy tehnıka túrimen almastyrylyp, sharýalar aram shóp otaý, pıazdy qolmen jegene jasaý sıaqty mashaqattardan birjola qutylady. Seıdýlla Domatovtyń ıeligindegi «Turar» sharýa qojalyǵy bıylǵy jyly 30 gektar jerge pıaz tuqymyn seýip, qazirgi tańda ónimdi jınaýmen aınalysyp jatyr. Dıqandardyń kóńilderi kóterińki, sebebi gektar túsimi 850 sentnerden aınalyp otyr. Iaǵnı, ár gektardan 85 tonnadan pıaz ónimin alý degen óte joǵarǵy kórsetkish. Jaýshyqumnyń jýasy qazirgi tańda Astana, Aqtóbe, Almaty qalalaryna  tasymaldanyp, saýdaǵa shyǵarylyp jatyr. Al, aýdan basshylarynyń uıymdastyrýymen aýyldan arnaıy beket ashylyp, jergilikti turǵyndarǵa ár kelisi 50 teńgeden jańa pıaz ónimderi taratylýda. Bazarda pıazdyń baǵasy 80 teńgeden ekenin eskersek, arnaıy bekettegi arzan baǵa halyqtyń qaltasyna jeńil tıip jatqany sózsiz.