Ońtústik Qazaqstan oblysy Shardara aýdany boıynsha bıylǵy jyly 59335 gektar jerge aýylsharýashylyǵy daqyldary egildi, - dep habarlaıdy Qamshy.kz 

Sonyń ishinde 10 836,4 gektar alqapqa baý-baqsha daqyldary ornalastyryldy. Ásirese, kúnniń kózi jylynysymen egistik alqapqa  shyǵyp ketken dıqandar qaýymy qaýyn-qarbyz sekildi erte pisetin ónimderin puldap úlgerdi. Dıqandardyń bolýynsha, bıylǵy ónimnen mol tabysqa kenelý múmkindigi týyp otyr. Aýdandyq aýylsharýashylyǵy jáne jer qatynastary bóliminiń málimetine sáıkes, búgingi tańǵa deıin shardaralyq sharýalardyń 3338 gektar egis alqabynan 83450 tonna qaýyn-qarbyz satylymǵa shyǵarylǵan eken.

Munyń ishinde 50 000 tonnasy Reseı memleketine jiberilse, qalǵany ózimizdiń soltústik oblystarǵa jóneltildi. Mamandardyń esebi boıynsha, gektarynan ortasha 250 sentnerden ónim alǵan aýdan dıqandarynyń kóńilderi toq dep aıtýǵa bolady. Dıqandardyń aıtýynsha, baý-baqsha ónimderi bıylǵy jaýyndy kqktem maýsysynyń arqasynda mol ónim berip otyr eken. Baý-baqsha ónimderiniń basym bóligi endi pisip jatqanyn eskersek, bul kórsetkish kún saıyn arta túsetini belgili.Kúnniń kózi jylynysymen egistik alqapqa  shyǵyp ketken dıqandar qaýymy qaýyn-qarbyz sekildi erte pisetin ónimderin puldap úlgerdi.

Aýdandyq aýylsharýashylyǵyna úles qosyp otyrǵan sharýalar búgindle Ońtústik Qazaqstan oblysynyń Shardara aýdanynyń ónimderin suranysqa ıe qylyp otyr. Dıqandardyń aıtýynsha, ózge oblystarǵa jóneltilgen ónimder árqashan suranysqa ıe bolyp otyr eken.