Qazaqstan Respýblıkasy Parlamentiniń Májilisi men Qazaqstan Respýblıkasy janyndaǵy Áıelder isteri jáne otbasylyq-demografıalyq saıasat jónindegi ulttyq komısıasy, BUU Áıelderdiń Ortalyq Azıada (Qazaqstan) Kópelder bóliminiń bastamashylyǵymen Almatyda BRIDGE ádisi boıynsha memlekettik oryndardyń ókilderi, Qazaqstan Respýblıkasy Parlamentiniń depýtattary men Qazaqstan Respýblıkasy janyndaǵy Áıelder isteri jáne otbasylyq-demografıalyq saıasat jónindegi ulttyq komısıasynyń músheleri úshin semınar-trenıng ótti.

Májilis depýtaty, «Nur Otan»fraksıasynyń Áleýmettik keńes tóraıymy Aıtkúl Samaqova men Qazaqstan Respýblıkasy janyndaǵy Áıelder isteri jáne otbasylyq-demografıalyq saıasat jónindegi ulttyq komısıasynyń Tóraıymy Mahabbat Bekbosynova, Májilis depýtaty, Áleýmettik-mádenı damý komıtetiniń hatshysy Maıra Aısınalar negizgi baıandama jasady.

Basqosýǵa Májilis depýtaty Elena Tarasenko moderator boldy.

BRIDGE – bul kásibı damýdyń modýldyq júıe prınsıpi boıynsha qurylǵan, saılaý júıesi men prosesine baǵyttalǵan baǵdarlama. Trenıńte: genderlik teńdik pen saılaý prosesi, ýaqytsha arnaıy is-sharalar, sonymen qatar áıelderdiń qoǵamnyń saıası ómirine qatysýyn arttyrýdyń zańnamalyq ádisteri sıaqty  máseleler jan-jaqty qarastyryldy.

Áıelderge qatysty dıskrımınasıanyń barlyq túrin joıý Konvensıasy, áıelder erlermen birge óz quqyqtaryn  teń negizde paıdalanǵannyń ózinde shyn mánisinde teńdikke jetpeıtindigin moıyndaıdy. Sondyqtan da Konvensıanyń 4 baby qatysýshy-memleketterge teńsizdik oryn alyp turǵan kezeńde ýaqytsha arnaıy is-sharalar qoldanýǵa ruqsat beredi. Ýaqytsha arnaıy is-sharalar erler men áıelder arasyndaǵy teńdiktiń ornaýyn tezdetý úshin qajet. BUU-nyń áıelderge qatysty dıskrımınasıanyń barlyq túrlerin joıý komıteti Konvensıaǵa qatysýshy-memleketterge áıelderdiń saıası aralasýyn keńeıtý maqsatynda ýaqytsha arnaıy is-sharalardy keńinen paıdalanýdy usynady. Qazaqstan Úkimetinde áıelder sanyn kóbeıtýdegi alǵa basýshylyqtarǵa qaramastan, osy kórsetkishterdi bekitý úshin zańnamalyq ádister qajet.

Semınar-trenıngtiń negizgi maqsaty – Qazaqstandaǵy áıelderdiń saıası qatysýy maqsatynda zańnamalyq jáne saıası reformalarǵa naqty usynymdar jasaý jáne dıalogqa kómektesý. Trenıń qatysýshylardyń bilimin keńeıtýge, potensıaldaryn bekitýge, sonymen qatar saılaý prosesinde genderlik aspektilerdi tereń túsinýine úles qosady dep kútilýde. Basqa memleketterdiń ýaqytsha arnaıy is-sharalardy, atap aıtqanda genderlik kvotalardy engizý arqyly áıelderdiń saıası aralasýyn qamtamasyz etý tájirıbesin paıdalaný múmkindigi basty qyzyǵýshylyq týǵyzýy múmkin.

BUU Áıelder – Birikken Ulttar Uıymynyń genderlik teńdik pen áıelderdiń quqyqtary men múmkindikterin keńeıtý máseleleri boıynsha salasy. Jahandyq dárejede áıelder men qyzdardyń múddelerin belsendi qorǵaýshy, BUU Áıelder álem boıynsha olardyń quqyqtaryn qorǵaý isin damytý maqsatynda qurylǵan.

BUU Áıelder BUU-nyń múshe memleketterine genderlik teńdikti ornatýda halyqaralyq normalar men standarttardy qalyptastyrýǵa, osy standarttardy iske asyrý úshin zańdardy daıyndaýda, saıası kózqarastarda, baǵdarlamalar men qyzmetterde úkimetter men azamattyq qoǵamdarmen yntymaqtastyq ornatady. BUU Áıelder (burynǵy IýNIFEM) Qazaqstan Respýblıkasynda    1999 jyldan beri qyzmet atqarýda.

Semınar-trenıngke Qazaqstan Respýblıkasy janyndaǵy Áıelder isteri jáne otbasylyq-demografıalyq saıasat jónindegi ulttyq komısıasynyń Tóraıymy, Qazaqstan Respýblıkasy Parlamenti Májilisiniń depýtattary, «Nur Otan» partıasynyń, «Aq jol» Qazaqstannyń Demokratıalyq partıasynyń, Qazaqstan Komýnıstik halyq partıasynyń fraksıalary, QR Qorǵanys vıse-mınıstri, QR Mádenıet vıse-mınıstri, QR Bas prokýrorynyń orynbasarlary qatysyp, oı bólisti.

(Sáýle Dosjanova. T.74-63-01. Aqparatty QR Parlamenti Májilisi Apparatynyń  Baspasóz qyzmeti taratty.)