Rıo-de-Janeıroda ótip jatqan Olımpıada áıelder kúresinen 75 keli salmaqtaǵy balýanymyz Gúzel Manúrova kúmis, 63 kelige deıingi salmaqtaǵy Ekaterına Larıonova qola medal júldeledi,- dep habarlaıdy Qamshy.kz. 

Qazaqstandyq balýan Gúzel Manúrova fınalda kanadyq balýan Erık Ýıbeden utylyp, Rıo Olımpıadasynyń kúmis júldegeri atandy.

Gúzel osyǵan deıin, jartylaı fınalda Reseıdiń 2010- 2011 jyldardaǵy birneshe márte chempıony Ekaterına Býrkınaǵa qarsy kúreste naǵyz sporttyq sensasıa jasaǵan edi.

Upaı jaǵynan utyla tursa da, G.Manúra jekpe-jekti óz paıdasyna taza jeńispen aıaqtaǵan. Aıqastyń sońyna deıin 8 sekýnd qalǵanda qazaqstandyq balýan reseılik qarsylasyn shalqasynan sulatyp saldy.

Budan buryn Olımpıadanyń alǵashqy beldesýinde ol Eýropa chempıony, vengrlik Janett Nemetti 12.2 esebimen utyp, jekpe-jekti merziminen buryn aıaqtaǵan bolatyn.

Ekaterına bolsa jubanysh beldesýiniń  alǵashqy beldesýinde shvesıalyq balýan Henna Ionhensondy 5:0 esebimen utqan bolatyn. Ekinshi beldesýinde AQSH balýanyn taza utyp, Rıo Olımpıadasynyń qola medalin jeńip aldy. Osylaısha Qazaqstan qorjynyna jetinshi qola medaldy salyp berdi.