BUU-nyń Bas hatshysy Pan Gı Mýn Iemenniń Saýd Aravıamen shekarasyndaǵy jaǵdaıdyń ýshyǵýyna alańdaýshlyyq bildirdi, - dep habarlaıdy Qamshy.kz. 

Sońǵy kezde bul óńirde áýe shabýyly  men jer ústindegi qaqtyǵystar kúsheıgen. BUU-nyń Bas hatshysy taraptardy qaqtyǵysty toqtatyp, kelisimge kelýge shaqyrdy.

Aımaqtaǵy jaǵdaı 6 tamyzda Kýveıtte kelissózder toqtaǵannan keıin ýshyǵyp ketken. "Azamattyq tulǵalar, sonyń ishinde balalar úzdiksiz qaqtyǵystardan, azamattyq ınfraqurylymdardy — mektep, aýrýhanalardy bombalaýdan zardap shegýde" dedi Pan Gı Mýn. Sońǵy kezde Iemennen jaýǵan oqtan Saýd Aravıasyndaǵy sheberhananyń talqany shyǵyp, jeti adam qaza tapqan. Iemenniń astanasynyń shyǵys jaǵyna da bomba túsip, toǵyz adam mert bolǵan. Pan Gı Mýn taraptarǵa azamattyq tulǵalardy qorǵaý qajet ekendigin jáne halyqaralyq quqyqtarmen bekitilgen mindettemelerdi qurmetteý kerektigin eskertti.