Qazaqstandyq boksshy Ivan Dychko Rıo-de-Janeıro Olımpıadasynyń qola júldegeri atandy, - dep habarlaıdy Qamshy.kz.
Jartylaı fınalda qazaqstandyq sportshy aǵylshynnyń 30 jastaǵy boksshysy Djo Djoıspen judyryqtasty. Birinshi raýndta úsh tóreshi de Dychko basym boldy dep sheshti. Ekinshi raýnda eki boksshynyń da sharshap qalǵany baıqaldy. Sóıtip, esep teńesti.
Qorytyndy raýndty tóreshiler aǵylshynnyń paıdasyna sheshti. Jekpe-jek qorytyndysynda Djo Djoıs jeńiske jetip, fınalǵa shyqty. Al Dychko Qazaqstan qorjynyna 16-shy medaldi saldy.
Aıta keteıik, bizdiń quramada Danıar Eleýsinov 69 kelide altyn alsa, 81 kelide Ádilbek Nıazymbetov pen 91 kelige deıingi salmaqta óner kórsetetin Vasılıı Levıt kúmis enshilegen edi. Mine, endi Dychko Qazaqstan qorjynyna kezekti qola medaldy saldy.
