Oblys ortalyǵy Óskemen qalasynda 7 kópqabatty úıden turatyn jańa shaǵyn aýdan ashylmaq. «Nurly jol» baǵdarlamasy aıasynda «Samruq Qazyna» jyljymaıtyn múlik qory» AQ qoldaýymen boı kóteretin úılerdiń búgin irgetasy qalandy,- dep habarlaıdy Qamshy.kz.

Jibek joly dańǵylynyń boıynsha salynatyn jańa aýdanda jalpy sany 325 páter bolady dep josparlanǵan. Alǵashqy kezekte toǵyz qabatty 3 úı boı kóteredi. Al turǵyndarǵa qolaılylyq týǵyzý maqsatynda úılerdiń biriniń birinshi qabatynda 75 balaǵa arnalǵan shaǵyn ortalyq ashylady.

Sonymen qatar, qurylysshylardyń aıtýy boıynsha, aýdannyń jobasyn qurý barysynda SHQO ákimi Danıal Ahmetovtyń usynysy eskerilip, árbir úıdiń jertólesindegi avtoturaq ishi keń bolmaq. Aýdan qurylysynyń birinshi bóligi 2018 jyly aıaqtalady. 

– Salynyp jatqan úılerdiń baǵasy naryqtaǵy páter baǵasynan tómen bolady. Bul jerde tek páterler emes, komersıalyq mekemeler de ashylady. Alańdy tolyqtaı abattandyryp, páter ıelerine qolaıly jaǵdaı jasaý da josparǵa kirgizilgen, – dedi «Samruq-Qazyna» jyljymaıtyn múlik qory» AQ basshysy Baýyrjan Mamytalıev.

Mamandardyń aıtýynsha, qurylys barysynda zamanaýı qurylǵylar men qurylys jabdyqtary qoldanylatyndyqtan, tek qurylys sapasyn artyp qana qoımaı, elektr qýatyn 20%-ǵa deıin únemdeýge septigin tıgizedi.